終於搞惦班兄弟~~~~~~條呔...!!

間中睇其他 JM blog ...發覺好多都會揀淨色既做兄弟呔...但我又想佢地o個日之後會用得番...一向對呔無乜研究...都唔知 d 男人鍾意咩花款...而家興 d 咩闊度既呔...自我煩惱左一陣子...

終於今晚同阿B一齊去左 MK 荷理活睇下有冇心水...其實心水一直係紫色為主就無變過...不過好多紫色呔都麻麻地...一係太淺色...一係好花...一係好老餅...一係好貴...原來而家幾興 d 窄身呔...不過太年輕...我驚班兄弟接受唔到...哈~~

行行下...入左間比較闊落既鋪頭...個 sales 好有耐性...問我地想搵咩款...o係咩場合用...我地揀左幾條...當佢知道我地係揀兄弟呔時...就提議我地用淨色...因為有花紋o個 d 好似普通返工去飲咁...係突出唔到兄弟既身份...仲提議我地用香檳金...因為好多客都揀呢隻色...襯埋落深色西裝度出奇地又幾好睇喎!  原來淨色都 ok 喎!!  不過因為姊妹 d 蝴蝶結係用紫色...所以我都係想用番紫色...不過得隻淺紫好似好 d ...其他好姣啊...紫紅...想像到一定好好笑...哈哈~~ 不過襯左落西裝又 ok 喎~~同埋條呔係"令" 身...影相出黎應該幾好睇...之後仲拎左條閃到爆既紫呔比我地笑下...出 show 格調啊!!  哈~

原本諗住紫到底...連伴郎都係紫...而且為左突出佢既身份...想用另外 d 紫色 (妖色系)...我幻想到效果一定好搞笑...不過阿B話揀深啡色...咁又係...伴娘條裙係無蝴蝶結...所以伴郎都唔駛跟要紫色都OK既...哈~~ 比阿B救左佢添~~

之後靚 sales 問我地婚期係幾時...趕唔趕時間要...我話都幾趕的...因為我唔想拖太耐囉...佢咁問即係唔會好快有啦~~ 咁阿B就試探式咁問佢 : 三個禮拜交貨得唔得?  之後笑爆咀...個 sales 居然同我地講 : 咁又唔駛咁耐既.........一個禮拜都得喇!!   噓~~~ 一個禮拜咋嘛?!   講到咁玄喎!!

訂造 7 條呔...其實即係改下個闊度...而家要左 3吋闊...唔太闊唔太窄...應該就到各位既標準既身材... 開始覺得玩兄弟既前奏開始揭幕式了......嘩哈哈~~

其實唔差架!!!  睇下效果先啦~~~

6 兄弟既紫色呔 :

伴郎既呔 :

本來無影到相的...不過我地行行下...諗諗下...都係返轉頭問個靚 sales 姐姐可唔可以影相...其實我地只係想影底條呔既顏色...不過個 sales 好好啊...佢話不如襯埋成套西裝比我地影...咁先可以睇到效果喎...真係細心呢~~^^

最搞笑係間鋪好多燈...影出黎好反光下...佢仲主動幫我地遮下 d 燈光!!  實在太感激了!!  近來真係遇到太多好人了...原來好客之道真係幾重要的...劉華...你要繼續做呢個宣傳啊!! 

又搞惦一樣了...!!